ڈیرہ غازیخان (ڈی جی کے نیوز،ویب ڈیسک). حکومت پنجاب کی ہدایت پر ضلع ڈیرہ غازیخان میں یوم پاکستان ملی جوش و جذبے سے منایاجائے گا. 23مارچ کو نو بجے صبح آرٹس کونسل میں مرکزی تقریب منعقد ہو گی . انتظامات کو حتمی شکل دینے کیلئے چار رکنی کمیٹی تشکیل دے دی گئی ہے . اس بات کا فیصلہ ایڈیشنل ڈپٹی کمشنر جنرل غلام یاسین کی زیر صدارت اجلاس میں کیاگیا . ایڈیشنل ڈپٹی کمشنرنے کہاکہ تمام محکمے مل کر کام کریں . نوجوان نسل کو آگاہی دینے کی ضرورت ہے . پاکستان کے قیام کیلئے آباؤ اجداد نے کیا قربانیاں دیں اسلاف کی جدوجہد کو خراج عقیدت پیش کرنے کیلئے ملی نغمے ، ٹیبلوز ، خاکے اور تقاریر کی جائیں گی . چیف ایگزیکٹو آفیسر ایجوکیشن ثناء اللہ سرانی ، ڈی ا یم او اسد علی ، ڈپٹی ڈائریکٹر سوشل ویلفیئر ذکاء الدین اور پرنسپل گورنمنٹ پوسٹ گریجویٹ کالج آف کامرس پروفیسر سجاد حسین پر مشتمل انتظامی کمیٹی تشکیل دی گئی . اجلاس میں سی ای او ہیلتھ ڈاکٹر خلیل احمد ، ڈپٹی ڈائریکٹر کالجز وسیم اختر ، پرنسپل دانش سکول گرلز ونگ شبنم حسیب ، سی او میونسپل کارپوریشن محمد اسلم، ایمرجنسی آفیسر ڈاکٹر حسین میاں ، پرنسپل کمپری ہینسو سکول عبدالعزیز، ریونیو آفیسر عطااللہ اور دیگر متعلقہ افسران موجود تھے . علاوہ ازیں 22مارچ کو 11بجے دن گورنمنٹ پوسٹ گریجویٹ کالج آف کامرس میں یوم پاکستان کی مرکزی تقریب کی فل ڈریس ریہرسل کی جائے گی.
