قومی احتساب بیورو نے وفاقی وزیر ریلوے خواجہ سعد رفیق کو طلب کرلیا ہے۔ خواجہ سعد رفیق سے آشیانہ ہاؤسنگ اسکینڈل سے متعلق تحقیقات کی جائیں گی۔ ذرائع کے مطابق نیب کی تین رکنی تحقیقاتی ٹیم وفاقی وزیر کا بیان ریکارڈ کرے گی۔ مسلم لیگ ن کے سینئر رہنما سے آشیانہ اقبال کے علاوہ پیراگون سٹی کے حوالے سے بھی پوچھ گچھ کی جائے گی۔ ذرائع کے مطابق نیب کی جانب سے خواجہ سعد رفیق کے بھائی اور پنجاب کے وزیر صحت خواجہ سلمان رفیق کو بھی طلب کیا گیا ہے۔ واضح رہے کہنیب کی جانب سے آشیانہ ہاؤسنگ سکیم اور پیراگون سٹی اسکینڈل میں سابق ڈی جی ایل ڈی اے احدچیمہ اورشاہد شفیق کوگرفتار کیا جا چکا ہے۔
