ڈیرہ غازیخان (بیورورپورٹ، پاکستان اپڈیٹس).ایڈیشنل ڈپٹی کمشنر ریونیو ڈیرہ غازیخان میاں غلام رسول نے کہا ہے کہ حکومت پنجاب کی ہدایت پر ضلع میں گندم کی خرید و فروخت کاشفاف نظام وضع کیاجائے گا جس کیلئے متعلقہ مواضعات کے کاشتکاروں کی لسٹیں سنٹرز پر آویزاں کی جا رہی ہیں.جائز اعتراضات نمٹائے جائیں گے . انہوں نے یہ بات گندم خریداری مہم کے جائزہ اجلاس کی صدارت کرتے ہوئے کہی . اجلاس میں ڈی ایف سی علی عمران کے علاوہ سنٹرکوآرڈینیٹرز اور دیگر افسران شریک تھے . ایڈیشنل ڈپٹی کمشنر نے کہاکہ ضلع میں 9خریداری مراکز قائم کیے گئے ہیں جہاں کاشتکاروں کو سایہ ، پانیِ کرسیاں اور دیگر سہولیات فراہم کی جائیں گی .
