وفاقی تحقیقاتی ادارہ ایف آئی اے نے سیالکوٹ انٹرنیشنل ائیرپورٹ پر ترکی سے ڈی پورٹ ہوکر پہنچنے والے نو پاکستانی مسافروںکو گرفتار کرلیا ، گرفتار کئے جانے والے شاہد ، رشید، اکبرسمیت نو پاکستانی غیر قانونی طریقے سے انسانی اسمگلروں کو لاکھوں روپے دے کر ترکی گئے تھے جہاں سیکورٹی فورسز عملہ نے انہیں گرفتار کرکے ڈی پورٹ کردیا جو جہاز پر سیالکوٹ انٹرنیشنل ائیرپورٹ پہنچے جہاں ایف آئی اے عملہ نے انہیں امیگریشن سے گرفتار کرکے مزید کاروائی کیلئے تھانہ ایف آئی اےگوجرانوالہ منتقل کردیا ۔ ایف آئی اے کے مطابق انسانی اسمگلروں کو بھی گرفتار کرنا ہے اور گرفتار مسافروں سے پوچھ گچھ جاری ہے ۔ ایف آئی اے کے مطابق گرفتارنو مسافروں میں بلیک لسٹ اور ای سی ایل ملزمان شامل نہیں ہیں ۔
