ڈیرہ غازیخان ( بیورو رپورٹ ،پاکستان اپڈیٹس)۔ایڈیشنل ڈپٹی کمشنر ریونیو ڈیرہ غازیخان میاں غلام رسول نے کہا ہے کہ کھلی کچہریوں کا مقصد عوام کے مسائل بروقت حل کرنا ہے اوروزیر اعلی پنجاب سردار عثمان احمد خان بزدار کی ہدایت پرلوگوں کے مسائل ترجیحی بنیادوں پر حل کیے جائیں گے . انہوں نے یہ بات ڈپٹی کمشنر آفس میں منعقدہ کھلی کچہری سے خطاب کرتے ہوئے کہی . اس موقع پر انہوں نے تحریری و زبانی درخواستوں پر متعلقہ محکموں کو احکامات جاری کرتے ہوئے سات روز کے اندر پیشرفت اور کارروائی رپورٹ طلب کر لی . ایڈیشنل ڈپٹی کمشنرنے سائلین سے تفصیلی مسائل سنے . اس موقع پر ضلع ڈیرہ غازیخان میں تعینات وفاقی ، صوبائی اور دیگر محکموں کے افسران اور نمائندے موجود تھے . کھلی کچہری میں مردوخواتین سائلین نے مسائل بیان کیے .
